Альпеисов Бақытжан Әшімәліұлы

Аудан: Тұрар Рысқұлов

Альпеисов Бақытжан Әшімәліұлы 1960 жылы 9 наурызда Жамбыл облысы Луговой ауданы Луговой кентінде дүниеге келген.
Қазақстанның кино, театр және телевидение актері. 1976 жылы Алматы темір жол институтына түсіп, 3 курстан кейін 1979 жылы Алматы мемлекеттік Театр және көркем сурет институты «театр және кино актеры» факультетіне оқуға қайта түсті.
1983-1993 ж.ж. Ш.Жандарбекованың курсын аяқтап, Ғ.Мүсірепов атындағы Жастар мен жасөспірімдер театрына қызметке тұрды.
1993 жылдан М. Әуезов атындағы академиялық драма театырына қызметке ауысты.
1999 жылдан бері Ш.Айманов атындағы «Қазақфильм» ұлттық компаниясында қызмет істеп келеді. Ел астанасында өткен V халықаралық «Еуразия» кинофестивальінде режиссер Д.Саламаттың «Әкем екеуіміз» фильмінде ойнап, ер адам рөлін ерекше сомдағаны үшін бас бәйгені жеңіп алды.
2016 жылдың желтоқсан айында Т.Рысқұлов ауданының құрметті азаматы атағын иеленді.