Таңатаров Досымжан

Аудан: Тұрар Рысқұлов

Әнші. 1975 жылы 6 мамырда Жамбыл облысы, Луговой ауданы, Құмарык ауылында дүниеге келген. 1997 жылы Жамбыл жеңіл және тамақ өнеркәсібі технологиялык институтын бітірген.
Институттың «Технолог» клубының көркемдік жетекшісі болып еңбек жолын бастаған.
2000 жылдан Президент оркестрінде жеке орындаушы болып қызмет атқарып келеді. Ол өзіне жүктелген міндеттерді абыроймен орындап, ел құрметіне бөленіп, ұлттық мәдениетіміз бен өнеріміздің дамуына мол үлес қосып жүрген танымал азамат. Қазақ әндерінің қазақы қалпын бұзбай, нақышына келтіріп орындап жүрген жерлесіміз, қазақ эстрадасының жұлдызы. Досымжан Таңатаров 1995 жылғы республикалық әнші- термешілер конкурсының, 1995 жылы «Студенттер көктемі» фестивалінің, «Сибирь молодая» халықаралық конкурсының жүлдегері. 2004 жылы қазақ радиосында ең үздік жыл әншісі атанды. Бірнеше үнтаспалары мен альбомдары шықты.
Д.Таңатаров Қазақстан Республикасының Мәдениет қайраткері, Қазақстан Республикасы Президентінің Алғыс хатымен марапатталған. «Дарын» сыйлығының иегері.