"Мектепке тағзым"

Аудан: Тараз қаласы

Мектеп: №47 орта мектеп

47 орта мектебінде "Мектепке тағзым" акциясы аясында 2020 жылдың 1 қазан күні 9"г" сыныбының жетекшісі Қарлығаш Кентаева оқушылармен табысты түлектерді қатыстыра отырып "Мектеп кезі тамаша" тақырыбында онлайн форматта кездесу өткізді. Мақсаты: Танымал түлектердің табысты өмір жолын үлгі ету, оқушыларды терең білім алуға, бәсекеге қабілетті болуға тәрбиелеу. Кеш қонағы мектептің 2017 жылғы түлегі Амангелді Нұрзат Нұрланұлы. Қазіргі таңда Тараз қаласындағы М. Х. Дулати атындағы өңірлік университетінің 4 курс студенті. "Мәдени тынығу жұмысы" мамандығы бойынша білім алып жатқан Нұрзаттың өнер саласында жеткен жетістіктері көп. Бірінші курстан бастап " Өнер және мәдениет" факультетінің басшысы болып сайланып, " Жансарай" халықтық театрының екінші режиссеры қызметін атқаруда.Кеш қонағы оқушылар тарапынан берілген сұрақтарға жауап беріп, оқушыларды көп ізденіп, білімге құштар болуға шақырды.