«Мамандық-өмір таңдауы» тақырыбында онлайн кездесу

Аудан: Шу

Мектеп: Жібек жолы мектеп-лицейі

«Мамандық-өмір таңдауы» тақырыбында онлайн кездесу өткізді. 29.10.2020ж. «Жібек жолы метеп-лицейі» КММ «Кәсіптік бағдар беру жұмыстарын жүзеге асыруға бағытталған 2020-2021 жылдарыға арналған іс-шаралар жоспарының» аясында «Мамандық-өмір таңдауы» тақырыбында онлайн кездесу өткізді. Кездесуге Қазақ-Америка Университетінің (ҚАУ) «Құқықтану» білім беру бағдарламасының кураторы, PhD докторы Рысалдиева Айжан Ергеновна қатысты. Айжан Ергеновна «Жібек жолы мектеп-лицейі» КММ 2005 жылғы алғашқы түлегі. Мектеп-лицей қабырғасында жүргенде лицейдің ғылыми қоғамының мүшесі, түрлі олимпиадалар мен байқаулардың жүлдегері, Республикалық «Зерде» ғылыми жобалар байқауының 1 орын жүлдегері атанған. Кездесу қонағы өзінің ғылым жолының бағытын 15 жасында алғанын сөзге тиек етті. Сол жасында болашаққа хат жолдап, қазіргі таңдағы жеткен жетістіктерін сол хаттың мазмұнмен байланыстыратынын айтты. Кездесуге қатысушы лицей дарынды оқушылар қоғамының мүшелері мамандық таңдау, сонымен қатар мамандықты дұрыс таңдауда қалай қателік жібермеуге болады деген сұрақтар қойып, кездесудің көңілдерінен шыққанын айтып, жас ғалымға сәттілік тіледі. Сонымен қатар, мектеп-лицей директоры осындай шаралар әлі де жалғасын табатынын айтып, мектептің болашақ түлектері мен ғылым жолын таңдаған жастарға істеріне сәттілік, қажымас қайрат тіледі.