Түлектермен кездесу өтті

Аудан: Шу

Мектеп: №40 шағын орталықты мектеп- лицей

№ 40 шағын орталықты мектеп - лицейінде 07.11.2020ж. күні "Jambyl-tylek.kz" жобасы аясында мектеп-лицейдің түлектерінің өмір жолын үлгі ету мақсатында 11 сынып оқушыларымен мектептің 2013 жылғы түлектері Қарағанды облысы бойынша мемлекеттік кіріс комитеті, ҚР - ның Қаржы Министрлігінің бас маманы Әлімқұл Мақсат Асқарұлы және Сингапур мемлекеті, Empire inc Holdinqs халықаралық компаниясында Орта Азия мемлекеттері бойынша сауда және маркетинг бойынша координатор Берданова Жанерке Нұрланқызы мен 2017 түлек "Алматы мейірімділер клубы" қайырымдылық клубында ерікті болып жүрген студент Тоқаш Айғаным Қанатқызымен онлайн форматта кездесу өтті. Кездесуге мектеп директоры Гүлбарам Қайшыбекқызы мен түлектердің жетекшісі Айгүл Бейсембекқызы қатысты. Ең алғаш сөз кезегін алған Гүлбарам Қайшыбекқызы осындай кездесулердің мектеп оқушылары үшін қаншалықты маңызды екенін атап өтіп, түлектерге алғысын білдірді. Кездесу барысында түлектер өздерінің мектеп қабырғасындағы қызықты оқиғаларын еске түсіріп, сыр шертті, өмір жолындағы жетістіктеріне тоқталып, білім алушылардың сұрақтарына жауап берді . А.Бейсембекқызы да оқушырының мектеп қабырғасындағы қызықты сәттерімен бөлісті. Білім алушылар кездесу барысында тұжырымды ой түйіп, түлектерге деген ыстық ықыластарын білдірді.