“Ұрпақтар сабақтастығы” түлектермен онлайн кездесу

Аудан: Шу

Мектеп: Төле би атындағы шағын орталықты орта мектебі

Шу ауданы Д. Қонаев ауылы Төле би атындағы орта мектебінде "Jambyl -tylek.kz” жобасы аясында “Ұрпақтар сабақтастығы” тақырыбында мектепішілік жоспарға сәйкес мектептің 2008 жылғы түлегі А. Уалиханов және спорт сүйер оқушылармен онлайн конференция өткіздік. Бұл жоба бірнеше жастарға рухани білім берді деп айта аламыз. Жастар мен аға буын өкілдерінің кездесуі бүгінгі күні маңызды болып отыр. Себебі жастарға тәрбиелік мәні бар, патриоттылық бағытында, адамгершілік тақырыбында, салт – дәстүр мен ұлттық құндылықтар тақырыбында әңгіме айтылуы сиреп барады. Оның үстіне қоғамда болып жатқан түрлі келеңсіз оқиғалар жастардың қатысуымен жүріп жатыр. Кейбір ата – ананың балаға көңіл бөлетін уақыттары да жетпей жатады. Бұндай кездесулер тәрбиелік тақырыпты ғана қозғамай, белгілі тұлғаны да жастарға танытады, тәжірибе береді. Бүгінгі мектеп оқушыларымен кездесу үшін мектебіміздің түлегі кәсіпқой боксшы Уалиханов Асхат мырза Американың Калифорния штатынан арнайы Zoom платформасы арқылы онлайн конференцияға шықты. Конференция барысында ол өзін таныстыра отырып спортқа қалай келгенін, жетістікке қалай жеткені жайлы тәжірибелерімен бөлісті. Уалиханов Асхат "Астана Арланс" жартылай кәсіптік бокс командасында болған. Қазіргі таңда -жаттықтырушы. Спорт сүйер мектеп оқушыларына білім алып, тәрбиелі азамат болуларына ерінбей еңбек етсе бәріне қол жеткізуге болатынын айтты. Жастар неден қателеспеу керек, қандай бағытқа басымдылық берген дұрыс екенін де тілге тиек етті. Аз ғана уақыт ішінде оқушылар сұрақ қойып, пікір алмасты. Асхат мырзаға рақмет айтып, мектепке жүзбе-жүз кездесуге шақырдық.