Кездесу Б.Бәбіжан

Аудан: Меркі

Мектеп: №5 Ақарал жалпы білім беретін мектебі

№5 Ақарал жалпы білім беретін мектебінде «Мектепке тағзым!» атты облыстық акциясы аясында іс-шаралар жүргізілген. «Елімізге танымал мектеп түлектерімен кездесу» айдарымен тәлімгер А.Бралиева, музыка жетекшісі Д.Ақжол мен директордың тәрбие ісі жөніндегі орынбасары Р.Бабижанованың ұйымдастыруымен 20.11.2017ж. 7-11 сынып оқушыларын жерлесіміздің дәстүрлі әншілік шығармашылығымен таныстырып, кіші буын жастарға қазақтың үйінің төрінде тұратын дала киесі домбыра туралы ақпарат беріп, адамгершілік қасиеттерге баулу мақсатында «Туған жер- әнге азық, күйге тірек» тақырыбында көпшілікке танымал Меркі өңірінде туған, музыка зерттеу саласына үлесін қосып жүрген ұстаз, әнші, сазгер, мәдениет қайраткері, Ақарал ауылының тумасы, мектебіміздің түлегі - жерлесіміз Бәбіжан Бағлан Жолдасқызымен кездесу өткізілді.Сазгер әндері арқылы халқына, тілге, Отанға деген сүйіспеншілік сезімдерін оятты. Ол халыққа танымал болу жетістіктерін, туған жеріне деген сағынышын жүректен шыққан сөздерімен және әндерімен жеткізе білді. Білім алушылардың қызықтырып жүрген бірнеше сұрақтарына жауап беріп, биік жетістіктерге жету үшін көп еңбектену қажеттілігін айтты.