Арыстанбеков Ғалым Қазбекұлымен кездесу.

Аудан: Меркі

Мектеп: №22 жалпы білім беретін мектебі

22 ЖББМ 16 желтоқсан тəуелсіздік мерекесі қарсаңында "Көңіл аудар даналардың сөзіне ,адал жанды өнеге тұт өзіңе "деп Ж.Баласағұн атамыз айтқандай Тұңғыш Президент Н.Ə.Назарбаевтың "Рухани жаңғыру :"Болашаққа бағдар " "мақаласы негізінде жоспарланған бағдарламасы бойынша "Сен де бір кірпіш дүниеге..." тақырыбында кездесу ұйымдастырылды. Елімізде өз саласында жетістіктерге жетіп жүрген жандар аз емес.Қарапайым еңбек адамдарынан бастап мемлекеттік салада жемісті қызметімен əріптестерінің , қоғамның ыстық ықыласына бөленіп келе жатқан азаматтар баршылық .Олардың есімдерін насихаттау мақсатында көптеген жобалар қолға алынуда.Солардың бірі"Рухани жаңғыру" бағдарламасы аясында қабылданған "100 жаңа есім"жобасы дер едім.Əрине бұл жобаға қатысушылар өз еңбегімен ерекшеленіп жүрген жандардың бірі,осы орайда Меркі ауданының аға лейтенант, үлгілі отағасы,үлгілі отбасы облыстық,республикалық "Мерейлі отбасы "байқауының жеңімпазы Арыстанбеков Ғалым Қазбекұлы мен кездесу өтті.Кездесудің өтуіне бастауыш сынып мұғалімдері ұйытқы бола білді. Оқушылар қатысушылар барлығы Ғалым бауырымыздың бақытты отбасы туралы бейнебаянды тамашалады.Өз жалғасын мəнді тапқан кешті одан ары қарай мектеп басшысы Е.Е.Сейдалиев "Туған жерге тағзым жасап,мектебімізге келіп,оқушылармен ой бөлісіп жатқанына көптен -көп рахмет",деп жылы лебізін білдірді. Кездесу барысында мектебіміздің мақтанышы Абуталим Айданның орындауында Құрманғазының күйі"Төремұрат"күйін тебірентіп орындаса,5сынып оқушысы Шамшидин Мұқалидың рухты көтерер " Мен Қазақ "əнін құйқылжыта орындап бір серпілтіп тастады.Кездесу өте əсерлі де қызықты болып өтті.Бұл кездесу оқушылардың жүрегінде мəңгі ұялап қалары сөзсіз.