Онлайн кездесу «Біздің мектептің түлектері»

Аудан: Меркі

Мектеп: №5 Ақарал жалпы білім беретін мектебі

№ 5 Ақарал жалпы білім беретін мектеп-гимназиясында 2020 жылдың 30 қараша күні дене шынықтыру пәні мұғалімдері Қ.Темірбеков, А.Конурбаевтың ұйымдастыруымен «Біздің мектептің түлектері» айдарында 7-8 сыныптағы спорт сүйер шәкірттерімен Zoom платформасы арқылы «Ел болашағы - дені сау ұрпақтың қолында» атты ауылымыздан шыққан танымал спортшылар және еліміздің әртүрлі қалаларда тұратын түлектерімізбен: Қазақстан Республикасының спорт шебері, Халықаралық «Феликс Штамм» турнирінің жүлдегері, Азияның бірнеше дүркін чемпионатының жеңімпазы, әйгілі боксшы А.Исакулов; Алматы облысы Қарасай ауданына қарасты Қырғауыл ауылында дене шынықтыру пәні мұғалімі, Алматы қаласындағы «Nomad» клубында жаттықтырушы Ғ.Садықов пен Қазақстан Республикасының спорт шебері, жаздық Азиада мен Олимп ойындарының күміс жүлдегері әуесқой спортшы Ә.Ниязымбетовпен онлайн кездесу өткізілді. Жас жеткіншектер салауатты өмір салтын ұстану-жауапты іс екенін айта отырып, Ақарал ауылында бокс мектебінен бөлек, теннис, волейбол мен баскетбол үйірмелері жұмыс істеп, «стритворкаут» алаңшалары салынып, спорттың кез келген түрлеріне жағдай жасалғанын баяндады. Білім алушылар үлкен спортқа қалай машықтанып, үнемі дайындық пен табандылық, жеңіске жету мақсат қоя білу дағдылары қажет екенін спортшылар сөздерінен түсініп, жүлдеге ие болу қыр сырларынан ақпарат алды. Кез келген мамандықтан спортпен байланысты мамандық таңдағандарға ерекше жігерлік пен еңбекқорлық қажет екені ескерілді.Жоғарыдағы іс-шараға мектебіміздің 2 түлегі қатысты.