Койшибаев Нариман

Аудан: Шу

Мектеп: Жібек жолы мектеп-лицейі

Биылғы жаңа оқу жылының алғашқы аптасында Жібек жолы мектеп-лицейінің түлегі, Алтын белгі иегері, ең алғашқы лицейіміздің ғылыми-зерттеу қоғамының президенті, Қазақстанның топырағын қорғау тақырыбында ғылыми жетекшісі Джангарашева Ардақ Толепбаевнамен терең зерттеп, нәтижесі тек облыс, республика көлемінде емес, Финляндияда зерттеу жұмысын қорғап лицейіміздің мәртебесін асқақтатқан, қазіргі таңда Қазақ телевизиясындағы Bridge TV Qazaqstan музыкалық каналының директоры, мақтанышымыз Койшибаев Нариман алтын ұя мектебіне ат басын бұрып келіп қуантты. Мектеп директоры және өзінің ең алғашқы ғылыми жетекшісі Джангарашева Ардақ Толепбаевнамен, лицей мұғалімдерімен кездесіп ыстық лебізін білдіріп, әлі де талай биік белестерден өзінің алтын ұя мектебінің көрінетініне сенім білдірді. Мектеп-лицейдің соңғы жылдардағы үлкен жетістіктерімен танысып, өзі сияқты дарынды балалардың лицейімізде көп екендігіне марқайып, ризашылығын білдіріп, сәттілік тіледі. Мақтанарлық шәкірттеріміз көп болғай!