Жарқын жүздесу-жарқын болашаққа

Аудан: Меркі

Мектеп: Ақкөз Қосанұлы атындағы №18 жалпы білім беретін тірек мектебі (ресурстық орталық)

"Болашаққа бағдар:рухани жаңғыру" бағдарламасы аясында жастарды салауатты өмір сүру салтына баулу, патриоттық сезімді қалыптастыру, ұлтымыздың мәртебелі мақтанышына айналған азаматтарына қарап бой түзеуіне ұйытқы болу мақсатында Меркі аудандық білім бөлімінің ұйымдастыруымен Ақкөз Қосанұлы атындағы 18 жалпы білім беретін тірек мектебінде Лондон олимпиадасының қола жүлдегері,Қазақстанның 11 дүркін жеңімпазы, Азия чемпионы, түрлі халықаралық біріншіліктердің жүлдегері, Қазақстанның еңбек сіңірген спорт шебері Ақжүрек Таңатаровпен кездесу өтті. Саңлақ спортшы,білікті маман Ақжүрек Таңатаровтың өнегелі өмірі мен жетістіктері оқушыларға үлгі ретінде таныстырылып, Ақжүрек Достықұлымен еркін форматта пікір алмасу болды.Кездесуге аудан әкімінің орынбасары Бегалиев Берік Дүйсенбайұлы мен аудандық білім бөлімінің әдіскері Раптаева Сәуле Мұратбекқызы қатысып, қонағымызға жылы лебіздерін білдірді. Іс-шара барысында оқушылар тарапынан қойылған сұрақтарға чемпион ұтымды жауап беріп, өзінің жеңіске жету жолындағы естеліктерімен бөлісті. Кездесу соңында мектеп басшысы Бектурганов Бауыржан Тілешұлы мен аудандық білім бөлімінің әдіскері Раптаева Сәуле Мұратбекқызы қазақ елінің мақтанышы Ақжүрек Таңатаровқа алғыс білдіріп, сый-сияпат көрсетті.