"Ерлік пен елдіктің өшпес ізі" үлкен іс-шара

Аудан: Тұрар Рысқұлов

Мектеп: №2 шағын орталықты орта мектеп

Қарқат ауылдық клубында Елбасының "Болашаққа бағдар:рухани жаңғыру" және Ұлы даланың жеті қыры" атты мақалаларын іске асыру мақсатында,ел Тәуелсіздігінінң 30 жылдығы қарсаңында "Ерлік пен елдіктің өшпес ізі" тақырыбында үлкен іс-шара өткізілді. Аталмыш іс-шара соғыс ардагері,ұлағатты ұстаз, талай жылдар бойы ауыл мектебін басқарған Нұрмаш Сүлейменовке арналды. Іс-шараның мақсаты: Жас ұрпаққа ұлағатты ұстаздың өмір жолы мен адал еңбегін, ұстаздық еткен жылдардағы өнегелі тәрбиесін үлгі ету. "Адам ұрпағымен мың жасайды" демекші Нұрмаш ағайдың ұрпағы, бірге қызметтес болған әріптестері, шәкірттері естеліктерімен ой бөлісті. Іс-шара барысында ағайдың шәкірті Тұрсынхан Жаманбаев өзінің жыр жинағын мектеп кітапханасының қорына сыйға тартты.Сонымен қатар ағайдың ұрпағы бірнеше түрлі балалар әдебиеті кітаптарын сыйға тартты.Мектеп оқушылары ардагер ұстазға, мейірімді әкеге жыр жолдары мен әндерін арнады. Шарапаты мол іс-шара барысында ізгі тілектер, есті естеліктер, ұтымды ұсыныстар айтылды. Кеш соңында мектеп дәлізінен ұстазға арналған арнайы бұрыш ашылды.