"Жомарт түлек" акциясы жалғасуда

Аудан: Шу

Мектеп: №40 шағын орталықты мектеп- лицей

№40 мектеп - лицейінің денешынықтыру пәні мұғалімі, еркін күрестен ҚР спорт шебері, "Еркін күрес" үйірмесінің жетекшісі Нургиса Хасанби шәкірттерін күрестің қыр-сырына баулып, биік белестерге жетелеп жүрген спортшы. Осы уақытқа дейін мектебіміздің оқушылары аудандық, облыстық, республикалық жарыстардан тек жеңіспен оралуда. Жақында өткен ҚР Тәуелсіздігінің 30 жылдығына орай еркін күрестен облыстық, республикалық ашық турнирлерден І, ІІ, ІІІ орын иеленді. Сонымен қатар, Нұрғиса Елбасының "Болашаққа бағдар: Рухани жаңғыру" бағдарламасын жүзеге асыру мақсатында, ел Тәуелсіздігінің 30 жылдығы қарсаңында облыс әкімі Бердібек Сапарбаевтың бастамасымен қолға алынған "Жомарт түлек" акциясы аясында аталған мектептің түлегі және ұстазы ретінде "Еркін күрес" үйірмесі үшін көлемі 8*8 метр болатын спорттық кілем сыйлады. Осы бозкілемнің үстінде жаттыққан балалар тек жеңіс тұғырынан көріне берсін деп, мектеп әкімшілігі Сізге көрсеткен демеушілігіңіз үшін зор алғысын білдіреді.