"Мектепке тағзым"

Аудан: Тараз қаласы

Мектеп: №47 орта мектеп

47 орта мектебінде "Мектепке тағзым" акциясы аясында 2021 жылдың 20 қазан күні 8"а" сыныбының жетекшісі Г. Тұрсынбекқызы оқушылармен табысты түлектерді қатыстыра отырып, " Бүгінгі түлек, ертеңгі тірек" тақырыбында кездесу кешін онлайн форматта өткізді. Мақсаты: Түлектердің табысты өмір жолын үлгі ету, оқушыларды терең білім алуға, бәсекеге қабілетті болуға тәрбиелеу. Кеш қонақтары: Мектептің 2016 жылғы түлегі, бүгінгі таңда Тараз қаласындағы ТарГПУ педагогикалық университетін бітірген Амангелді Нурзат Нурланұлы және 2019 жылғы мектеп түлегі Алишер Мұхамеджанов, Алматы қаласындағы көпсалалы колледжді бітіріп, қазіргі уақытта Мәскеу қаласындағы "Salam bro" мейрамханасында қызмет жасайды. Кездесу барысында оқушыларды алдына мақсат қоя білуге, және көп ізденіп оқуға, спортпен айналысып, салауатты өмір салтын ұстануға шақырды. Кеш қонақтары оқушылар тарапынан қойылған сұрақтарға жауап берді.