Рахымбаева Жарқынай Сержанқызымен кездесу.

Аудан: Меркі

Мектеп: №22 жалпы білім беретін мектебі

"Болашақ бүгіннен басталады" 22 жалпы орта білім беретін мектебінде 2021жылдың қазан айының 11-күні жерлесіміз қол күрес спортының әлем чемпионы Рахымбаева Жарқынай Сержанқызымен «Болашақ бүгіннен басталады» атты ашық мотивациялық кездесу ұйымдастырылып өткізілді. Киелі Меркі жеріміз жанға шипа, дертке дауа - ертегіге бергісіз аңыздар алқабы десек артық емес. Күннен сұлу, Айдан анық ақиқат даласы, қасиетті топырағы мен суы бәрі – бәрі сөз жетпес ғажап! Сол қасиетті тауы мен топырағынан талай ұлы тұлғалар мен чемпиондар түлеп ұшқа демекші бүгінгі іс - шараның мақсаты Тәуелсіздіктің 30 жылдық мерей тойы шеңберінде «Болашаққа бағдар: Рухани жаңғыру» атты мақаланың ауқымды идеяларын оқушылар арасында тарату, өскелең ұрпақтың спортқа деген қызығушылығын арттыру, салауатты өмір салтын дәріптеу, ұлтымыздың мәртебелі мақтанышына айналған азаматтарына қарап бойтүзеуіне ұйытқы болу, оқушылар арасында салауатты өмір салтын насихаттай отырып, зиянды әрекеттерден аулақ болуға тәрбиелеу, патриоттық сезімдерін қалыптастырып, спортқа деген сүйіспеншіліктерін арттыру.Кеш қонағын зор құрмет қуаныш пен қарсы алды. Кездесу Қазақстан Республикасының Гимнімен ашылды.Кездесудің қонағы Рахымбаева Жарқынай Сержанқызы ҚР - ң еңбек сіңірген спортшысы 2015 – 2018 жылдары Тараз қаласындағы «Парасат» колледжінде дене шынықтыру мамандығын алған. 2014 жылы Астана қаласындағы чемпионаттарында І орынды иеленді 2015 жылы ҚР - ң І орын иегері, 2016 жылы Азия чемпионатында ІІ орынды иеленіп, 2017 жылы ҚР - ң чемпионы атанып, Аудан әкімінің құрмет грамотасы, алғыс хаттарымен марапатталды. 2018 жылы Азия чемпионы, Қазақстан Республикасының халықаралық дәрежедегі спорт шебер, 2018 жылы Түркия мемлекеті Анталия қаласында өткен әлем чемпионатында І орынды иеленіп, әлем чемпионы атанды. Қазіргі таңда Жамбыл облысы, Меркі ауданындағы «Балалар ауыл клубы» қол күрес жаттықтырушы лауазымын атқарады. Кездесудің салтанатты түрде ашу үшін алғашқы сөз кезегі директордың тәрбие ісі жөніндегі орынбасары Батырбекова Перуза Елубайқызына ашып, өз жылы лебізімен тілегін білдіріп өтті.Кездесу мектептің өнерлі«Укілі домбыра»үйірмесінің шәкірттерінің орындауында күмбірлеген әсем куймен басталды.Сондай-ақ кездесу барысында балалар Жарқынай Сержанқызына жеке өмірі мен спорттың қыр-сырына байланысты сұрақтар қойып,болашақта осындай спорт түрімен айналысқылары келетіндіктерін,сол үшін қандай болу керектігін де сұрап, жеңімпаз болудың сырларымен бөлісуге шақырып,жеке шеберлік сабағында көрсетіп өтті. Жерлесіміз оқушыларға өзінің өмірі және түрлі сайыстардағы жеңістері туралы әңгімеледі.Жас жеткіншектерді салауатты өмір салтын ұстануға, спортпен айналысуға шақырды. Əдетте кез келген адам спорт пен шұғылдана білуі мүмкін ,бірақ шын спортшы болу екі талай Өйткені ол-спорт өнерінде қайтпас қайсар мінезбен ,күш жігерді үйлестіре білген кісі ғана ұтатын өмір шындығы деп ағынан жарылып сыр шертіп өтті. Сонымен қатар өзінің балалық шағынан бастап ,спортқа жасаған алғашқы қадамынан дəл бүгінгі күнге дейінгі кезеңін,өмірлік ұстанымы мен мақсаттарын басынан өткен қызықты оқиғаларымен əсерлі əңгімелеп берді.Сөз кезіндегі қазіргі жастардың алғырлығы мен патриоттық сезімі жоғары екенін атап өтті.Оқушылар Рахымбаева Жарқынай Сержанқызы чемпионымыз туралы бейнетаспа тамашалап бір жігерлеріп қалды. Сондай-ақ, кездесуде оқушылар "Қазақ қызы"атты арнау өлеңдер оқып, жыр шашуларын ұсынды. Кездесу соңында дене шынықтыру пәнінің мұғалімі әрі ұстазы Е.С.Ақылбаев естелік сыйлық ұжым атынан табыстап,өз алғысын айтып өтті. Бүгінгі кездесу кештен туған жерге зор сүйіспеншілік, салауатты өмір салтын сақтай отырып спортпен айналысуға деген құлшыныс, ешбір жанға ешқашан таптатпауға болмаайтын АР мен НАМЫС ұғымын жоғары қоюға талпыныс пайда болары анық екені даусыз.